എന്‍റ്റെ ഏകാന്ത സ്വപ്നങ്ങള്‍

അന്നവളുടെ പോൽ ചിരിയില്ലാർന്നെ   അന്നവളുടെ പോൽ നിറമില്ലാർന്നെ  അന്നവളുടെ പോൽ അന്ന-  നടയില്ലാർന്നെ  അന്നവളുടെ പോൽ  അനുസരണ  അതൊട്ടും ഇല്ലാർന്നേ! അന്നും ഇന്നും എന്നും  ഞാനവളുടെ പോൽ  അല്ലാർന്നെ! ചുമരിലെ കടലാസ് ഗ്ലാസിലൊരു  ചുന്ദരി കുട്ടി പോൽ , അടുത്ത കുടിയിലെ  അടക്കമുള്ള കുട്ടി പോൽ , വീട്ടിലെ വടക്കേ മുറിയിലെ  വാവക്കുട്ടി പോൽ , അന്നും ഇന്നും എന്നും  ഞാനല്ലാർന്നെ !  എന്റെ നീല നിറം  എന്റെ അട്ടഹാസങ്ങൾ  എന്റെ തീർപ്പുകള് അത് ഞാനാർന്നേ!!!

നി ഒരു മരീചിക  പോലെയാണിപ്പോൾ ! ദാഹംപേറി  ഓടിയടുക്കുമ്പോൾ  മറഞ്ഞു പോകുന്ന  മരുപ്പച്ച പോൽ  നുറുങ്ങുന്ന ഹൃദ്യവുമായി  നിൻ നെഞ്ചില്  ഞാൻ അലിയാന്  അമരുമ്പോൾ  എന്നെ അടർത്തി മാറ്റി  ഒഴിഞ്ഞഅകലുന്ന  ഈ  മരീചിക യാം  നിന്നെ  എനിക്കറിയില്ല!  പ്രതീക്ഷകൾ ഒന്നുമില്ലാതെ  വെറുതെ   അരികിൽ നിൽക്കുമ്പോൾ  നിന്റെ നിഴലിൽ പോലും  തണൽ നല്കാത്ത  ഈ  നിന്നെ  എനിക്കറിയില്ല! ഹൃദ്യയമുരുകുന്ന ചൂടിൽ  നിറയാതെ കരയുന്ന  കണ്ണിൽ  ഒരു തണുത്ത  കുളിർക്കാറ്റ് പോലും  തരാതെ  ഓടിയകലുന്ന  നിന്നെ  എനിക്കറിയില്ല!

  നീ എന്ന പുഴ   ഞാൻ എന്ന താഴവര  താണ്ടി പോയിരിക്കുന്നു  പുതിയ സമതലങ്ങളും ആയി  നീ ഒരു വസന്തകാലത്തിൽ  പതിയെ കൈകോർത്തിരിക്കുന്നു  ഓർക്കുന്നുണ്ടാകാം  പക്ഷേ  പഴയ പോലെ നിറങ്ങളും  നീലിമയും ഇല്ലാത്ത  ഒരു ചിത്രമായി !  നിനക്കുള്ള അവസാനത്തെ  വരികളായി ഇതും!

 ഒരു പുതു മഞ്ഞു തുള്ളിപോൽ  ദിനവും  പുതുമയായി വിടർന്നു  ബാഷ്പമായി മാറി  എന്റെ ഈ നീർത്തുള്ളികൾ , നിന്നെ ഓർത്തുള്ള  നിലക്കാത്ത  ഈ വിരഹ ഭാരം  സ്നേഹത്തേക്കാൾ  വിരഹമേന്തിയ  ഈ പ്രണയ ഭാരം  എന്റേതാകാത്ത നിന്നെ  ഓർത്തുള്ള  എന്റെയീ അടങ്ങാത്ത  മോഹഭാരം  വഴികൾ പിരിഞ്ഞിട്ടും  യാത്ര മൊഴികൾ  ബാക്കിയായ  ഈ ആത്മ ഭാരം!

 ഒരിക്കൽ കൂടെ ഞാൻ  ഒന്ന് സ്നേഹിച്ചോട്ടെ  നിന്റെ ഭംഗിയുള്ള വിരലുകളിൽ  നിന്റെ ചെറു നര വീണ മുടിയിഴകളിൽ  നിന്റെ പുക ഗന്ധമുള്ള ചുണ്ടുകളിൽ  നിന്റെ ഞാൻ അറിയാത്ത ചൂടുള്ള നെഞ്ചിൽ  ഒരിക്കൽ കൂടെ ഞാൻ  ഒന്ന് സ്നേഹിച്ചോട്ടെ.. മതിവരുവോളം ഞാൻ ഒന്ന് നിന്റെ  ചുംബനത്തിൽ നനഞ്ഞോട്ടെ  നിന്റെ തലോടൽ എന്റെ  ഉടലിനെ ഒരിക്കൽ കൂടെ പുണർന്നോടെ  നിന്റെ ആശ്വാസങ്ങളിൽ  എന്റെ ഹൃദയം - തിരകളില്ലാത്ത തീരത്തടിഞ്ഞോടെ  ഏറ്റവും പ്രിയപ്പെട്ട നിന്റെയായി  ഞാൻ ഒന്ന് മാറിക്കോട്ടെ!

കാലം ഒരു പക്ഷേ  എന്റെ കവിളുകളിൽ  നിന്റെ ചുംബന  പാടുകൾ വീഴ്ത്താൻ  മറന്നു പോയേക്കാം  വസന്തം ഒരുപക്ഷേ  എന്റെ ഉടലിൽ  നിന്റെ സ്നേഹം  വിതറാൻ വിസമ്മതിച്ചേക്കാം  എന്റെ ഉള്ളിൽ  നിന്നെ വാർക്കാതെ   ജീവിതവും  വിലപേശിയേക്കാം  പക്ഷേ എനിക്കുള്ളത്  നിന്റെ  അതിരുകൾ ഇല്ലാത്ത സ്നേഹമല്ലെ !  അതിന്റെ നിർവൃത്തി  അതെനികു  സ്വന്തമല്ലേ 💕

 നി വന്നാൽ , ലഹരി ആണ്  ഉത്സവം ആണ്  ആർമാദനം ആണ്  പ്രേമത്തിന്റെ ! സിരകളിൽ  പുഴയാണ്  ഹൃദയത്തിൽ  കടൽ  ആണ്  കണ്ണിൽ  മഴവില്ലുകൾ ആണ്  ചുണ്ടിൽ  നിന്റെ ഗന്ധം ആണ്  രാത്രികൾ  പകലുകളും  പകലുകൾ  കാത്തിരിപ്പുകളും ആണ്  എല്ലാറ്റിനുമപ്പുറം  എന്റെ പുസ്തകങ്ങൾ  മുഴുവൻ  നിന്നെ കുറിച്ചുള്ള  കവിതകൾ ആണ്!

കണ്ണാ എനിക്ക്  ലോകത്തിലെ ഏറ്റവും  മനോഹരമായ പ്രേമം വേണം , എനിക്കത് മാത്രം മതി ! ഒരു കള്ള ചിരിയോടെ  കണ്ണൻ  “തഥസ്തു “  എനിക്കു  മനോഹരമായ  പ്രണയം ലഭിച്ചു!  രാധയുടെയും കണ്ണന്റെയും  പോലെ  അതിര് വരമ്പുകൾ  ഇല്ലാത്ത ഒരു പ്രണയം!!  ഒരിക്കലും വറ്റാത്ത  പ്രണയം! ആരും അസൂയപെടുന്ന  പ്രണയം! ഒരിക്കലു സ്വന്തം - ആകാൻ പറ്റാത്ത  ഒരു പ്രണയം!